Imyidagaduro Inkuru nyamukuru

Ubuhanga muri Rally bwa Gahongayire w’imyaka 17 bwatunguranye

Umukobwa w’umunyarwandakazi Nadaa Gahongayire yitabiriye isiganwwa ry’amamodoka ryitiriwe kwibuka ryabereye kuri stade Amahoro kuri uyu wa gatandatu tariki 10 Kamena 2017. Ubuhanga yagaragaje bwatangaje benshi kuko yahanganye anarusha abagabo.

Gahongayire Nadaa w'imyaka 17 yatunguranye yitabira isiganwa rya Rally

Gahongayire Nadaa w’imyaka 17 yatunguranye yitabira isiganwa rya Rally

Ishyirahamwe ry’umukino wo gusiganwa hakoreshejwe ibinyabiziga bifite moteri (Rwanda Automobile Club) ryateguye irushanwa ryo gusiganwa mu modoka rigamije kwibuka abazize Jenoside yakorewe Abatutsi 1994.

Iri siganwa ryakozwe buri mukinnyi asiganwa n’igihe (Individual time trial/ Course contre la montre), ryitabiriwe n’abakinnyi icyenda (9) barimo umwe w’umukobwa, n’umunani b’abagabo.

Uyu munyarwandakazi w’imyaka 17 Gahongayire Nadaa yatunguranye yitabira isiganwa ry’amamodoka ku nshuro ya mbere. Yabwiye Umuseke ko yatangiye kwigishwa gutwara imodoka na se akimenya ubwenge. Byatumye amenyera kuyitwara ku muvuduko ashaka.

“Papa niwe usanzwe atwara imodoka mu masiganwa. Niwe wansabye kuza ngo nanjye ngerageze kuko nsanzwe ntwara nihuta nubwo bakunda kumbuza kuko bitemewe. Nishimiye uko iri siganwa ryagenze kuko byatumye ntekereza no gukomeza gukina uyu mukino.”

Nubwo ari ubwa mbere yitabiriye isiganwa yasoreje ku mwanya wa gatanu inyuma y’umubyeyi we wabaye uwa kane.

Furaha Sekamana niwe wegukanye iri siganwa akoresheje 1min 24sec. Yakurikiwe na Jimmy Ndabateze wakoresheje 1min 31sec. Naho Safari Christopher yabaye uwa gatau akoresheje 1min 36 sec.

Gutangiza no gusoza iri siganwa byasusurukijwe n'abasore bazwiho udushya 'Step Udukoryo'

Gutangiza no gusoza iri siganwa byasusurukijwe n’abasore bazwiho udushya ‘Step Udukoryo’

Berekanye ubuhanga mu kugendera ku nkweto z'amapine

Berekanye ubuhanga mu kugendera ku nkweto z’amapine

Kugira imodoka nto ikata byoroshye byoroherezaga abasiganwa

Kugira imodoka nto ikata byoroshye byoroherezaga abakinnyi

Kuzenguruka imihanda yari yateganyijwe inshuro eshatu ukoresheje igihe gito nicyo abasiganwa basabwaga

Kuzenguruka imihanda yari yateganyijwe inshuro eshatu ukoresheje igihe gito nicyo abasiganwa basabwaga

Iri rushanwa ryabereye mu mihanda iri inyuma ya stade ryarebwe na benshi

Iri rushanwa ryabereye mu mihanda iri inyuma ya stade ryarebwe na benshi

Niwe munyarwanda kazi wa mbere wigaragaje kuri uru rwego

Niwe munyarwanda kazi wa mbere wigaragaje kuri uru rwego

Ngo yamenye ubwenge yigishwa gutwara imodoka

Gahongayire akata mu mihanda yabereyemo isiganwa

Abana nabo bati, Yeeebaba weeee, mbega umukobwaaaa!!!

Abana nabo bati, Yeeebaba weeee, mbega umukobwaaaa!!!

Uyu mwari yari yabonye abafana benshi

Uyu mwari yari yabonye abafana benshi

Abayobozi ba Rwanda Automobile Club, Ange Francois Cyatangabo na Gakwaya Christian batunguwe n'uko uyu mwari yakataga imodoka

Abayobozi ba Rwanda Automobile Club, Ange Francois Cyatangabo na Gakwaya Christian batunguwe n’uko uyu mwari yakataga imodoka

Yishimiye uko isiganwa ry'uyu munsi ryagenze

Yishimiye uko isiganwa ry’uyu munsi ryagenze

Byari ibyishimo byinshi kuri nyina wari waje kumushyigikira

Byari ibyishimo byinshi kuri nyina wari waje kumushyigikira

Umuryango we wose wari uhari

Umuryango we wose wari uhari

Abakunzi ba Rally b'i Kigali baje kwihera ijisho

Abakunzi ba Rally b’i Kigali baje kwihera ijisho

Ibikombe n'imudari byari biteganyirijwe abatsinze

Ibikombe n’imudari byari biteganyirijwe abatsinze

Gahongayire yatahanye igihembo cy'umukinnyi watunguranye

Gahongayire yatahanye igihembo cy’umukinnyi watunguranye

Furaha Sekamana yongeye kwisubiza iri rushanwa ryo kwibuka, ni nawe waritwaye 2016

Furaha Sekamana yongeye kwisubiza iri rushanwa ryo kwibuka, ni nawe waritwaye 2016

Ati, nazanye na papa nje kugerageza ariko ndabona nkwiye gutinyuka nkajya nsiganwa kuko nabishobora

Ati, nazanye na papa nje kugerageza ariko ndabona nkwiye gutinyuka nkajya nsiganwa kuko nabishobora

Photo: R.Ngabo/UMUSEKE

Roben NGABO